Հյուրընկալ, ջերմ, ներողամիտ…Աստղիկ Սաֆարյան

Զրուցեց Անի Մաղաքյանը

Աստղիկին գիտեի իր պարզ ու ավելորդություններից զերծ տեսահոլովակներից ու երգերից: «Սև ակնոց» և «Մի պատուհան» երգերը իմ mp3 նվագարկիչի երգերի գլխավոր ցանկում են: Աչքովս էին ընկել նաև նրա բազմաթիվ ֆոտոսեսիաները, որոնք նույնպես արաված են Աստղիկին հատուկ չափի զգացումով:

Այս ամբողջից բացի, հարցազրույցից հետո, ես բացահայտեցի ինձ համար նոր Աստղիկ Սաֆարյանի, որը սիրում ու գնահատում է Երևանը, փորձում է ներկայացնել իր հարազատ քաղաքը այնպես, ինչպես միայն ինքն է տեսնում այն: Ինձ հատկապես դուր եկավ նրա անկեղծությունը՝ Աստղիկը ոչ վատաբանում է իր քաղաքը և ոչ էլ  իդեալականացնում այն:

 P.S. Այստեղ կարող եք լսել իմ սիրելի Սև Ակնոց երգը

Ա.Մ. Դուք շատ եք ճանապարհորդում, երկար ժամանակով բացակայում եք Երևանից, երբ Երևանում չեք ի՞նչն եք առաջինը հիշում Երևանի մասին մտածելիս 

Աստղիկ. Ջերմ և հարազատ աուրան, իմ սիրելի փողոցները, մարդկանց «հայկական» ջերմությունը, հայկական խոհանոցը, երևանյան լեքսիկոնին հատուկ արտահայտություններ… և այլն…

Ա.Մ. Երևանում ո՞ր վայրն եք ամենից շատ սիրում

Աստղիկ. Մեր տունը: Բացի դրանից նաև շատ եմ սիրում բոլոր կենտրոնական փողոցները, դրանք ինձ համար տան պես են, որովհետև կյանքիս գիտակցական տարիները անցել են Երևանի կենտրոնում: J

Ա.Մ. Կա՞ մի բան որ չեք սիրում երևանի մեջ, ի՞նչը կփոխեիք

Աստղիկ. Կփոխեի քաղաքում տիրող դժվար իրավիճակները, խաբեությունը, սովորական դարձած չարությունը, նախանձը… 

 

Ա.Մ. Երևանցին ինչո՞վ է տարբերվում աշխարհի մյուս քաղաքների բնակիչներից 

Աստղիկ. Մենթալտետով, և իհարկե դրանից բխող պահվածքով, ինչպես նաև ունիկալ դրսևորումներով, որոնք բնորոշ են միայն Երևանցիներին…

Ա.Մ. Ներկայացրեք երևանը 3 բառով

Աստղիկ. Հարզատ, հյուրընկալ, ջերմ 

Ա.Մ. Օտարազգի ձեր ընկերներին պատմու՞մ եք երևանի մասին

Աստղիկ. Քանի, որ օտարազգի շատ-շատ ընկերներ ունեմ, նաև փորձում եմ նրանց իմ ազգայինը ներկայացնել: Միշտ մեծ հպարտությամբ եմ խոսում իմ հայրենիքի և դրա հին ու յուրահատուկ մշակույթի մասին: Փորձում եմ ԻՄ Երևանը ներկայացնել ամենագեղեցիկ գույների մեջ՝ կարևորելով միայն լավն ու դրականը, որոշ վատ երևույթներն էլ ներկայցնում եմ, որպես կուլտուրայի մի մաս, չէ որ ամեն տեղ էլ թերություններ կան: Եվ պետք է ասեմ, որ զրույցներս իզուր չեն եղել, ընկերներիս մոտ հետաքրքրություն եմ առաջացրել և  նրանցից շատերը ցանկություն ունեն անձամբ գալ և տեսնել Երևանը:

Ա.Մ. Եթե ձեզ համեմատեք Երևանի հետ, ինչպիսի՞ նմանություններ կարող եք գտնել 

Աստղիկ. Հյուրընկալ, ջերմ, ներողամիտ…

Ա.Մ. J

Աստղիկ. Այո, այո, հենց ՆԵՐՈՂԱՄԻՏ, ի՞նչ եք կարծում, Երևանը չի՞ նեղանում, որ շատերը լքում են իրեն, հեռանում են… Իհարկե նեղանում է, բայց երբ վերադառնում ես, զգում ես, որ Երևանը նորից ներում է և գրկաբաց ընդունում…

Ա.Մ. Եթե կազմեք ձեր սիրելի քաղաքների ռեյտինգ՝ նշելով հինգ քաղաքներ, ո՞ր քաղաքները կնշեք և ի՞նչ դասավորությամբ, ո՞ր տեղում կլինի Երևանը:

Աստղիկ.

1. Փարիզ

2.Վենետիկ

3.Երևան

4. Հռոմ

5.Մոնտե Կարլո 

Ա.Մ.  Որն է Երևանի մասին ձեր ամենասիրելի երգը 

Աստղիկ. Հե՜յ ջան, Երևան…