(ռեստորանային քննադատ)
Իմ օրվա մեծ մասը անցնում է դրսում, այդ պատճառով ստիպված եմ լինում հաճախ սնվել քաղաքի տարբեր ռեստորաններում, սրճարաններում: Այսուհետ ես կփորձեմ քեզ հետ կիսվել իմ տպավորություններով տարբեր ժամանցի վայրերի մասին: Հուսով եմ, որ կօգնեմ քեզ կողմնորոշվել քաղաքի օբյեկտների բազմազանության մեջ:
Ինչպես միշտ ես Երևանյան ցուրտ երեկոյան երկար զբոսնելուց հետո ցանկություն
ունեի իմ սիրելի filter coffee-ն վայելել:
Ինձ հետ էր իմ ուսանողական ընկերուհին: Երկար չմտածեցինք, թե ուր գնանք, մենք մտանք SQ1 (Square
1)՝ այստեղ ամենահամեղ Ամերիկյան
սուրճն են տալիս: Սրճարանի հարմար տեղը միշտ
գրավում է այցելուներին: Ներսում հարմարավետ է և ջերմ, գրեթե միշտ հաճելի երաժշտություն է, թեև բավական բարձր
է հնչում, սա հնարավոր է ոմանց դուր չգա, ինչպես ասում են ճաշակի խնդիր է: Սպասարկումը բարձրակարգ է, ուրախացնում է նաև այն, որ անձնակազմի
մեջ սփյուռքահայեր կան: Նրանց հետ շփվելիս, այստեղ՝
սուրճի սեղանի
շուրջ, հաճելիորեն միավորվում են տարբեր մարդկանց աշխարհայացքներ:
Հիմնականում սա այն վայրերից է, որտեղ մթնոլորտը
և միջավայրը հարազատ են, որտեղից չես ուզում հեռանալ և միշտ ցանկություն ունես վերադառնալու:
Երբ նստած ես հարմարավետ բազմոցին և խմում ես քո սիրելի սուրճը չես կարող մտածել կոնկրետ
այս վայրի դետալների մասին, դու պարզապես սուզվում ես ընկերներիդ հետ հետաքրքիր զրույցի
մեջ: SQ1-ից հեռանալիս միշտ
մնում են ամենաջերմ հիշողությունները:
Комментариев нет:
Отправить комментарий